مضمون / بلاگ رائٹنگ مقابلہ (سکول)

قواعد و ضوابط

• 1. اہلیت: یہ مقابلہ سکول کے طلباء و طالبات کے لیے ہے جن کی عمر 15 سال تک ہو۔ ہر امیدوار صرف ایک بلاگ/مضمون جمع کرا سکتا ہے۔
• 2. تحریر کی اصلیت: ججمع کرایا گیا بلاگ/مضمون شریکِ مقابلہ کی اپنی طبع زاد (original) تخلیق ہونا چاہیے۔ ادبی چوری (plagiarism)، نقل شدہ مواد، یا علمی بددیانتی کی کسی بھی صورت میں امیدوار کو فوری طور پر مقابلے سے خارج کر دیا جائے گا۔ اگر مصنوعی ذہانت (AI) سے تیار کردہ مواد کو اپنی طبع زاد تخلیق کے طور پر پیش کیا گیا، تو اس کی بنا پر بھی امیدوار کو مقابلے سے خارج کر دیا جائے گا۔
• 3. موضوع: بلاگ/مضمون کو منتظمین کی طرف سے طے شدہ رسمی موضوع کا پابند ہونا چاہیے۔ مقررہ موضوع سے ہٹ کر لکھی گئی تحریروں پر غور نہیں کیا جائے گا۔
• 4. رجسٹریشن اور 
  ارسال کی شرائط: بلاگ/مضمون مقررہ تاریخ سے پہلے PDF فارمیٹ میں جمع کروانا لازمی ہے۔ ہر تحریر کے ساتھ بلاگ/مضمون کا عنوان اور امیدوار کا مکمل نام ہونا ضروری ہے۔ تاخیر سے یا نامکمل جمع کروائی گئی تحریریں قبول نہیں کی جائیں گی۔
• 5. مواد کے 
  معیارات: بلاگ/مضمون میں جدت، تنقیدی فکر اور تخلیقیت ہونی چاہیے۔ مواد منطقی طور پر مرتب ہونا چاہیے جس میں واضح تعارف، متن اور نتیجہ شامل ہو۔ شرکاء گرامر، املا اور شائستہ زبان کا اعلیٰ معیار برقرار رکھیں۔ جارحانہ، تفریق انگیز یا نامناسب مواد قابلِ قبول نہیں ہوگا۔
• 6. جملہ حقوق: امیدواروں کے پاس اپنی تحریر کے حقوق محفوظ رہیں گے۔ تاہم تحریر جمع کروانے پر منتظمین کو یہ حق حاصل ہوگا کہ وہ مصنف کے مکمل نام کے ساتھ تعلیمی و اشاعتی مقاصد کے لیے بلاگ کو شائع یا نمائش کر سکیں۔
• 7. جج صاحبان: تمام تحریروں کی جانچ متعین کردہ معیار پر کی جائے گی۔ جیوری (ججز) کا فیصلہ حتمی ہوگا جس کو چیلنج نہیں کیا جا سکے گا۔
• 8. ضابطہ اخلاق: شرکاء سے علمی اور اخلاقی معیارات کی پاسداری کی امید رکھی جاتی ہے۔ نتائج پر اثر انداز ہونے کی کوشش یا قواعد کی خلاف ورزی کی صورت میں امیدوار کو نااہل کر دیا جائے گا۔
• 9. انعامات اور 
  اعتراف: پہلی تین پوزیشنز حاصل کرنے والے شرکاء کو نقد انعامات دیے جائیں گے۔ اس کے علاوہ ٹاپ 10 شرکاء کو تعریفی اسناد دی جائیں گی۔ تمام انعامات اور اعتراف انتظامی کمیٹی کے طے شدہ طریقہ کار کے مطابق دیے جائیں گے۔
• 10. عام شقیں: مقابلے کے قواعد کی کسی بھی خلاف ورزی پر نااہلی ہو سکتی ہے۔ انتظامی کمیٹی کے پاس ضرورت پڑنے پر قواعد، شیڈول یا طریقہ کار میں تبدیلی کا حق محفوظ ہے۔ کسی بھی غیر واضح معاملے پر حتمی فیصلہ انتظامی کمیٹی کا ہوگا۔

مدد اور معلومات (Support & Inquiries)